දර්ශන මාත්‍රයෙන් හෝ ශ්‍රවන මාත්‍රයෙන් යමෙක් කෙරෙහි පැහැදීම එතරම් ප්‍රඥා ගෝචර නොවේ. ලෝකයෙහි විවිධ වූ පුද්ගලයන් සිටිති. භයානක පුද්ගලයන්ගෙන් ප්‍රවේශම් වීම ඔබ සතුය. ඔබගෙන් ධනය හෝ වෙනත් ලාභ ප්‍රයෝජන ලබන අදහසින් තාවකාලික වශයෙන් නැති ගුණ පෙන්වා ඔබගේ සිත ගැනීමට සමර්ථ අය නැතැයි නොසිතනු. ඔවුන් කෙරෙහි වහා ප්‍රසාදය ඇති කළහොත් පසුව ඔවුන් කෙරෙහි කලකිරිමටද ඉක්මන් වෙනවා ඇත. එනිසා ඉක්මනින් පැහැදීම ඉක්මනින් කලකිරීමට හේතු වේ.
යමෙකුගේ ගුණයක් හෝ හැසිරීමක් ඔබගේ සිත පැහැදීමට සමර්ථ විය හැකිය. එහෙත් ඔබගේ පැහැදීම වහා ඔවුන්ට නොදැක්විය යුතුය. ටික කාලයක් ඉතා පරීක්ෂාවෙන් ඔවුන් ආශ්‍රය කල යුතුය. එවන් ආශ්‍රයේදීත් ඔවුන්ගේ ගුණ නොවෙනස්ව පවතී නම් ඔබගේ පැහැදීම හෙළි කල යුතුය. එම පැහැදීම බොහෝ කල් ආරක්ෂා වනුද නොඅනුමානය. ස්ථිර පැහැදීම වඩා වැඩ දායක වන්නේය.
No comments:
Post a Comment